apanaa Gam bhuul gaye terii jafaa bhuul gaye
ham to har baat muhabbat ke sivaa bhuul gaye
ham akele hii nahii.n pyaar ke diivaane sanam
aap bhii nazare.n jhukaane kii adaa bhuul gaye
ab to sochaa hai ke daaman hii teraa thaame.nge
haath jab hamane uThaaye hai.n duaa bhuul gaye
shukr samajho yaa ise apanii shikaayat samajho
tum ne vo dard diyaa hai ke davaa bhuul gaye
No comments:
Post a Comment