royaa kare.nge aap bhii ......

charaaG-e-ishq jalaane kii raat aa_ii hai

2008-09-13T22:48:00.000-07:00

charaaG-e-ishq jalaane kii raat aa_ii hai

kisii ko apanaa banaane kii raat aa_ii hai

.
falak ka chaa.Dd bhii sharmaa ke muu.Nh chhupaayegaa

naqaab ruKh se uThaane kii raat aa_ii hai

.
nigaah-e-saaqii se paiham chhalak rahii hai

sharaabpi_o ki piine-pilaane kii raat aa_ii hai

.
vo aaj aa_e hai.n mahafil me.n chaa.Ndanii lekar

ki raushanii me.n nahaane kii raat aa_ii hai

2008-09-13T22:45:00.000-07:00

ko_ii samajhaayiye ki kyaa rang hai maiKhaane kaa

aa.Nkh saaqii kii uThe, naam ho paimaane kaa

.
garmii-e-shamaa kaa afasaanaa sunaanevaalo

raqs dekhaa nahii.n tum ne abhii paravaane kaa
[raqs=dance]

.
chashm-e-saaqii mujhe har gaam pe yaad aatii hai

raastaa bhuul na jaauu.N kahii.n maiKhaane kaa
[chashm-e-saaqii=saaqii kii nazar]

ab to har shaam guzaratii hai isii kuuche me.n

ye natiijaa huaa naaseh tere samajhaane kaa
[kuuchaa=street; natiijaa=result; naaseh=advisor]

ab to har ma.nzil se guzarnaa to hai aasaa.N "Iqbal"

ishq hai naam Khud apane se guzar jaane kaa

chalo baa.NT lete hai.n apanii sazaaye.n

2008-09-13T22:41:00.000-07:00

chalo baa.NT lete hai.n apanii sazaaye.n

naa tum yaad aao naa ham yaad aaye.n

sabhii ne lagaayaa hai chehare pe cheharaa

kise yaad rakhe.n kise bhuul jaaye.n

unhe.n kyaa Khabar ho aanevaalaa naa aayaa

barasatii rahii.n raat bhar ye ghaTaaye.n

chal mere saath hii chal ai merii jaan-e-Gazal

2008-09-13T22:36:00.000-07:00

chal mere saath hii chal ai merii jaan-e-Gazal
in samaajo.n ke banaaye huye ba.ndhan se nikal, chal

.
ham vahaa.N jaaye jahaa.N pyaar pe pahare na lage.n
dil kii daulat pe jahaa.N ko_ii luTere na lage.n
kab hai badalaa ye zamaanaa, tuu zamaane ko badal, chal

.
pyaar sachchaa ho to raahe.n bhii nikal aatii hai.n
bijaliyaa.N arsh se Khud raastaa dikhalaatii hai.n
tuu bhii bijalii kii tarah Gam ke a.Ndhero.n se nikal, chal

.
apane milane pe jahaa.N ko_ii bhii u.Ngalii na uThe
apanii chaahat pe jahaa.N ko_ii dushman na ha.Nse
chhe.D de pyaar se tuu saaz-e-mohabbat-e-Gazal, chal

.
piichhe mat dekh na shaamil ho gunaahagaaro.n me.n
saamane dekh ki ma.nzil hai terii taaro.n me.n
baat banatii hai agar dil me.n iraade ho.n aTal, chal

chaa.Nd ke saath ka_ii dard puraane nikale

2008-09-13T22:05:00.000-07:00

chaa.Nd ke saath ka_ii dard puraane nikale

kitane Gam the jo tere Gam ke bahaane nikale

fasl-e gul aa_ii phir ik baar asiiraan-e-vafaa

apane hii Khuun ke dariyaa me.n nahaane nikale

umr guzarii hai shab-e-taar me.n aa.Nkhe.n malate

kis ufaq se meraa Khurshiid na jaane nikale

kuu-e-qaatil me.n chale jaise shahiido.n kaa juluus

Khvaab yuu.N bhiigatii aa.Nkho.n ko sajaane nikale

dil ne ik ii.nT se taamiir kiyaa taaj mahal

tuu ne ik baat kahii laakh fasaane nikale

dasht-e tanhaa_ii-e-hijraa.N me.n kha.Daa sochataa huu.N

haaye kyaa log meraa saath nibhaane nikale

mai.n ne 'Amjad' use bevaastaa dekhaa hii nahii.n

vo to Khushbuu me.n bhii aahaT ke bahaane nikale

[asiiraan-e-vafaa = prisoners of faithfulness/fidelity]hijr ki choT ajab sang-shikan hotii hai dil kii befaiz zamiino.n se Khazaane nikale [hijr = separation; sang = stone; shikan = wrinkle/crease/crack][befaiz = that which does not yield anything][shab-e-taar = dark night; ufaq = horizon; Khurshiid = sun][kuu-e-qaatil = beloved's street; juluus = procession][ii.nT = brick; taamiir = (to) construct][dasht = desert; tanhaa_ii = solitude; hijraa.N = separation][bevaastaa = without reason]

chaahat kaa ek miiThaa miiThaa dard jagaane shaam Dhale

2008-09-13T22:01:00.000-07:00

chaahat kaa ek miiThaa miiThaa dard jagaane shaam Dhale

terii yaade.n aa jaatii hai.n mujhako rulaane shaam Dhale

.
terii zulfe.n in kaa.Ndho.n par teraa cheharaa haatho.n me.n

mai.n ne bhii dekhe hai.n kitane Khvaab suhaane shaam Dhale

.
har din ham se vaadaa karake yuu.N hii agar ta.Dapaaoge

ik din yuu.N hii ho jaaye.nge ham bhii diivaane shaam Dhale

.
din ke ujaale me.n to manaa luu.N laakh yatan se bahalaa luu.N

lekin dil kaa paagal pa.nchhii ek na maane shaam Dhale

bhuulii bisarii cha.nd ummiide.n

2008-09-13T21:14:00.000-07:00

bhuulii bisarii cha.nd ummiide.n cha.nd fasaane yaad aaye

tum yaad aaye aur tumhaare saath zamaane yaad aaye.

dil kaa chaman shaadaab thaa phir bhii Khaak sii u.Datii rahatii thii

kaise zamaane ai Gam-e-jaanaa.N tere bahaane yaad aaye
[shaadaab=in full bloom]

Tha.nDii sard havaa ke jho.nke aag lagaakar chho.D gaye

phuul khile shaaKho.n pe naye aur dard puraane yaad aaye
[sard=cold]

ha.Nsane vaalo.n se Darate the chhup chhup kar ro lete the

gaharii gaharii soch me.n Duube do diivaane yaad aaye

bazm-e-dushman me.n bulaate ho

2008-09-07T19:36:00.000-07:00

bazm-e-dushman me.n bulaate ho ye kyaa karate ho
aur phir aa.Nkh churaate ho ye kyaa karate ho
.
baad mere ko_ii mujh saa na milegaa tum ko
Khaak me.n kis ko milaate ho ye kyaa karate ho
.
chii.nTe paanii ke na lo niind bharii aa.Nkho.n par
sote fitane ko jagaate ho ye kyaa karate ho
[fitanaa = mischief]

ham to dete nahii.n kyaa ye bhii zabar_dastii hai
chhiin kar dil liye jaate ho ye kyaa karate ho

ho.n na jaaye kahii.n daaman kaa churaanaa mushkil
mujh ko diivaanaa banaate ho ye kyaa karate ho

barbaad tamannaa pe ataab aur zyaadaa

2008-09-07T19:30:00.000-07:00

barbaad tamannaa pe ataab aur zyaadaa
haa.N merii mohabbat kaa javaab aur zyaadaa
.
roye na abhii ahal-e-nazar haal pe mere
honaa hai abhii mujh ko Kharaab aur zyaadaa
.
.aavaaraa-va-majanuu.N hii pe maukuuf nahii.n kuchh
milane hai.n abhii mujh ko Khitaab aur zyaadaa
.
uThe.nge abhii aur bhii tuufaa.N mere dil se
dekhuu.Ngaa abhii ishq ke Khvaab aur zyaadaa
.
Tapakegaa lahuu aur mere diidaa-e-tar se
dha.Dakegaa dil-e-Khaanaa_Kharaab aur zyaadaa
.
ai mutrib-e-bebaak ko_ii aur bhii naGmaa
ai saaqii-e-fayyaaz sharaab aur zyaadaa

baraay-e-naam sahii ko_ii mehar_baan to hai

2008-09-07T19:26:00.000-07:00

baraay-e-naam sahii ko_ii mehar_baan to hai

hamaare sar pe bhii hone ko aasamaan to hai

terii faraaKh_dilii ko duaaye.n detaa huu.N

mere labo.n pe tere lams kaa nishaan to hai

[faraaKh_dilii = large hearted]

ye aur baat ki vo ab yahaa.N nahii.n rahataa

magar ye us kaa basaayaa huaa makaan to hai

alaavaa is ke na kuchh aur pardaa rakh mujh se

fasiil-e-jism mere tere darmiyaan to hai

[alaavaa = other than; fasiil = rampart/wall/barrier]

bichha.D ke zindaa nahii.n rah sake.nge ham dono.n

mujhe ye vaham to hai un ko ye gumaan to hai

[vaham = imagination/conjecture; gumaan = doubt/suspicion]

saro.n pe saayaa_fiGan abr-e-aarazuu na sahii

hamaare paas saraabo.n kaa saayabaan to hai

gul-e-muraad nahii.n sang-haaye-tifl sahii

Gariib-e-shahar kaa aaKhir kisii ko dhyaan to hai qeel Shadab

[muraad = desire; sang = stone; tifl = child]

aaj jaane kii zid na karo

2008-09-06T20:29:00.000-07:00

aaj jaane kii zid na karo

yuu.N hii pahaluu me.n baiThe raho

haaye! mar jaaye.ge, ham to luT jaaye.ge

aisii baate.n kiyaa na karo

tum hii socho zaraa kyuu.N na roke tumhe.n

jaan jaatii hai jab uThake jaate ho tum

tum ko apanii kasam jaan-e-jaa.N

baat itanii merii maan lo

waqt kii qaid me.n zindagii hai magar

cha.nd gha.Diyaa.N yahii hai.n jo aazaad hai

in ko kho kar abhii jaan-e-jaa.N

umr bhar na taraste raho

kitanaa maasuum-o-rangiin hai ye samaa

husn aur ishq kii aaj meraaj hai

kal ki kisako Khabar jaane-jaa.N

rok lo aaj kii raat ko

gesuuo.n kii shikan hai abhii shabanamii

aur palako.n ke saaye bhii madahosh hai.n

husn-e-masuum ko jaane-jaa.N

beKhudii me.n na rusvaa karo

One of my favorite nazm sung very well by farida Khanum

http://in.youtube.com/watch?v=wqbbILfdw94

Shishir Parkhie has sung this song beautifully

http://in.youtube.com/watch?v=Fhl-5zgioiQ

Asha Bhosle's rendition

http://in.youtube.com/watch?v=LnAVroHAwHE

Habib ali Mohammed sings for Nadeem

http://in.youtube.com/watch?v=B40EJnVynNQ

kuchh na kisii se bole.nge

2008-08-26T09:33:00.000-07:00

kuchh na kisii se bole.nge
tanhaa_ii me.n ro le.nge

.
ham berahabaro.n kaa kyaa
saath kisii ke ho le.nge

.
Khud to hue rusavaa lekin
tere bhed na khole.nge

.
jiivan zahar bharaa saaGar
kab tak amrit ghole.nge

.
niind to kyaa aayegii 'Faraz'
maut aa_ii to so le.nge

Janaab Ahmed Faraazsaab passed away yesterday, greatest living poet of Urdu as he was known died in Pakistan on 25th August,may his soul rest in peace ...Khuda hafiz Farazsaab.

baraabar se bachakar guzar jaane vaale

2008-08-20T02:11:00.000-07:00

baraabar se bachakar guzar jaane vaale
ye naale nahii.n be-asar jaane vaale

muhabbat me.n ham to jiye hai.n jiye.nge
vo ho.nge ko_ii aur mar jaane vaale

mere dil kii betaabiyaa.N bhii liye jaa
dabe paao.n muu.Nh pher ke jaane vaale

nahii.n jaanate kuchh ki jaanaa kahaa.N hai
chale jaa rahe hai.n magar jaane vaale

tere ik ishaare pe saakit kha.De hai.n
nahii.n kah ke sab se guzar jaane vaale

banaa banaa ke tamannaa miTaa_ii jaatii hai

2008-08-20T02:09:00.000-07:00

banaa banaa ke tamannaa miTaa_ii jaatii hai
tarah tarah se vafaa aazamaa_ii jaatii hai

jab un ko merii muhabbat kaa aitabaar nahii.n
to jhukaa jhukaa ke nazar kyo.n milaa_ii jaatii hai

hamaare dil kaa pataa vo hame.n nahii.n dete
hamaarii chiiz hamii.n se chhupaa_ii jaatii hai

'Shakeel' duurii-e-manzil se naa-ummiid na ho
manzil ab aa hii jaatii hai ab aa hii jaatii hai

baiThe huye dete hai.n vo daaman se havaaye.n

2008-08-20T02:05:00.000-07:00

baiThe huye dete hai.n vo daaman se havaaye.n

allaah kare ham na kabhii hosh me.n aaye.n

.
beKhud yuu.N hii rakhe.ngii hame.n shoKh adaaye.n

jab saamane ho.n aap to kyaa hosh me.n aaye.n

.
pallaa rahe dono.n kaa mohabbat me.n baraabar

utanii hii vafaaye.n bhii ho.n jitanii ho.n jafaaye.n

.
ho lutf-e-inaayat kii ik had bhii muqarrar rone lage

ko_ii na yahaa.N tak vo ha.Nsaaye.n

.
aur is ke sivaa "Nooh" ko aataa nahii.n kuchh bhii

yaaro.n me.n vo baiThe huye tuufaan uThaaye.n

baiTh jaataa huu.N jahaa.N chaa.Nv ghanii hotii hai

2008-08-20T02:00:00.000-07:00

baiTh jaataa huu.N jahaa.N chaa.Nv ghanii hotii hai

haaye kyaa chiiz Gariib-ul-vatanii hotii hai
[chaa.Nv=shade; Gariib-ul-vatanii=exile]

din ko ik nuur barasataa hai merii turbat par

raat ko chaadar-e-mahataab tanii hotii hai
[nuur=light; turbat=tomb; chaadar-e-mahataab=sheet of moon(light)]

luT gayaa vo tere kuuche me.n rakhaa jis ne qadam

is tarah kii bhii kahii.n raahazanii hotii hai
[raahazanii=highway robbery]

hijr me.n zahar hai saaGar kaa lagaanaa muu.Nh se

may kii jo buu.Nd hai hiiro.n kii kanii hotii hai
[hijr=separation; saaGar=wine goblet; may=wine]

maikasho.n ko na kabhii fikr-e-kam-o-besh hu_ii

aise logo.n kii tabiiyat bhii Ganii hotii hai
[fikr-e-kam-o-besh=worry about more or less; Ganii=generous]

huuk uThatii hai agar zabt-e-fuGaa.N karataa huu.N

saa.Ns rukatii hai to barchhii kii anii hotii hai
[zabt=restraint; fuGaa.N=cry of pain; barchhii=spear; anii=tip/point]

pii lo do ghuu.NT ki saaqii kii rahe baat "Hafeez"

saaf i.nkaar me.n Khaatir-shikanii hotii hai
[Khaatir-shikanii=insult of (someone's) hospitality]

bahut pahale se un qadamo.n kii aahaaT jaan lete hai.n

2008-08-20T01:39:00.000-07:00

bahut pahale se un qadamo.n kii aahaaT jaan lete hai.n
tujhe ai zi.ndagii ham duur se pahachaan lete hai.n

.
merii nazare.n bhii aise qaatilo.n kaa jaan-o-imaa.N hai
nigaahe.n milate hii jo jaan aur imaan lete hai.n

.
tabiyat apanii ghabaraatii hai jab sun-saan raato.n me.n
ham aise me.n terii yaado.n kii chaadar taan lete hai.n

.
Khud apanaa faisalaa bhii ishq me.n kafii nahii.n hotaa
use bhii kaise kar guzare.n jo dil me.n Thaan lete hai.n

.
jise suurat bataate hai.n pataa detii hai siirat kaa
ibaarat dekh kar jis tarahaa maanii jaan lete hai.n

.
tujhe ghaaTaa na hone de.nge kaarobaar-e-ulfat me.n
ham apane sar teraa ai dost har ehasaan lete hai.n

.
hamaarii har nazar tujhase nayii sauga.ndh khaatii hai
to terii har nazar se ham nayaa paiGaam lete hai.n

.
'Firaq' aksar badal kar bhes milataa hai ko_ii qaafir
kabhii ham jaan lete hai.n kabhii pahachaan lete hai.n

bahut hasii.n hai meraa dil_rubaa na ho jaaye

2008-08-20T01:16:00.000-07:00

bahut hasii.n hai meraa dil_rubaa na ho jaaye

merii nazar me.n vo kaafir Khudaa na ho jaaye

tamaam shahar me.n merii vafaa kii Khushbuu hai

puraanaa zaKhm kisii kaa haraa na ho jaaye

na jaane kitane baras baad vo milaa hai mujhe

hai Dar yahii ki vo phir se judaa na ho jaaye

mai.n us se TuuT ke milataa huu.N jab bhii milataa huu.N

ye meraa milanaa kahii.n haadasaa na ho jaaye

bahaaro.n ko chaman yaad aa gayaa hai

2008-08-20T01:08:00.000-07:00

bahaaro.n ko chaman yaad aa gayaa hai
mujhe vo gul_badan yaad aa gayaa hai

lachakatii shaaKh ne jab sar uThaayaa
kisii kaa baa.Nkpan yaad aa gayaa hai

merii Khaamoshiyo.n par ha.Nsane vaalo
mujh vo kam_suKhan yaad aa gayaa hai

tumhe.n mil kar ke ai yazadaa.N_parasto
Guruur-e-aharaman yaad aa gayaa hai

terii suurat ko jab dekhaa hai mai.n ne
uruuj-e-fikr-o-fan yaad aa gayaa hai

kisii kaa Khuubasuurat sher sun kar
teraa lutf-e-suKhan yaad aa gayaa hai

mile vo ajanabii ban kar to 'Rifat'
zamaane kaa chalan yaad aa gayaa hai

Ghulam Ali has sung this ghazal

http://in.youtube.com/watch?v=E2vvyKKwZ-s

baGair mere tujhe chain aa nahii.n sakataa

2008-08-15T09:06:00.004-07:00

baGair mere tujhe chain aa nahii.n sakataa

meraa javaab kahii.n se tuu laa nahii.n sakataa

hazaar parde bhii Daalo agar banaavaT ke

dilo.n kii baat ko cheharaa chhupaa nahii.n sakataa

banaa diyaa hai zamaane ne dil ko patthar kaa

sataaye ko_ii bhii mujh ko rulaa nahii.n sakataa

hasiin taaj mahal ke banaane vaalaa bhii

dilo.n ke TuuTe gharau.nde banaa nahii.n sakataa

bad_naam mere pyaar kaa afsaanaa huaa hai

2008-08-15T09:06:00.003-07:00

bad_naam mere pyaar kaa afsaanaa huaa hai
diivaane bhii kahate hai.n kii diivaanaa huaa hai

rishtaa thaa tabhii to kisii bedard ne to.Daa
apanaa thaa tabhii to ko_ii begaanaa huaa hai

baadal kii tarah aa ke baras jaa_iye ik din
dil aap ke hote hue viiraana huaa hai

bajate hai.n Khayaalo.n me.n terii yaad ke ghungaruu
kuchh din se meraa ghar bhii pari_Khaanaa huaa hai

mausam ne banaayaa hai nigaaho.n ko sharaabii
jis phuul ko dekhuu.N vahii paimaanaa huaa hai

baaziichaa-e-atfaal hai duniyaa mere aage

2008-08-15T09:06:00.002-07:00

baaziichaa-e-atfaal hai duniyaa mere aage
hotaa hai shab-o-roz tamaashaa mere aage

ik khel hai aurang-e-sulemaa.N mere nazadiik
ik baat hai ejaaz-e-masiihaa mere aage

juz naam nahii.n suurat-e-aalam mujhe manzuur
juz vaham nahii.n hastii-e-ashiyaa mere aage

hotaa hai nihaa.N gard me.n seharaa mere hote
ghisataa hai jabii.n Khaak pe dariyaa mere aage

mat puuchh ke kyaa haal hai meraa tere piichhe
tuu dekh ke kyaa rang hai teraa mere aage

sach kahate ho Khud_biin-o-Khud_aaraa huu.N na kyo.N huu.N
baiThaa hai but-e-aa_iinaa siimaa mere aage

phir dekhiye andaaz-e-gul_afshaanii-e-guftaar
rakh de ko_ii paimaanaa-e-sahabaa mere aage

nafrat ka gumaa.N guzare hai mai.n rashk se guzaraa
kyo.N kar kahuu.N lo naam naa us kaa mere aage

imaa.N mujhe roke hai jo khii.nche hai mujhe kufr
kaabaa mere piichhe hai kaliisaa mere aage

aashiq huu.N pe maashuuq_farebii hai mera kaam
majanuu.N ko buraa kahatii hai lailaa mere aage

Khush hote hai.n par vasl me.n yuu.N mar nahii.n jaate
aa_ii shab-e-hijaraa.N kii tamannaa mere aage

hai mauj_zan ik qulzum-e-Khuu.N kaash! yahii ho
aataa hai abhii dekhiye kyaa-kyaa mere aage

go haath ko jumbish nahii.n aa.Nkho.n me.n to dam hai
rahane do abhii saaGar-o-miinaa mere aage

ham_peshaa-o-ham_masharab-o-ham_raaz hai meraa
'Ghalib' ko buraa kyo.N kaho achchhaa mere aage
Jagjit Singh sings http://in.youtube.com/watch?v=LC1W3JPNdpM

baat saaqii kii na Taalii jaayegii

2008-08-15T09:06:00.001-07:00

baat saaqii kii na Taalii jaayegii

kar ke taubaa to.D Daali jaayegii

dekh lenaa vo na khaalii jaayegii

aah jo dil se nikaalii jaayegii

gar yahii tarz-e-fugaa.N hai a.ndalii

to bhii gulashan se nikaalii jaayegii

aate aate aayegaa un ko Khayaal

jaate jaate beKhayaali jaayegii

kyuu.N nahii.n milatii gale se teG-e-naaz

iid kyaa ab ke bhii khaalii jaayegii

baat phuulo.n kii sunaa karate the

2008-08-15T09:06:00.000-07:00

baat phuulo.n kii sunaa karate the
ham kabhii sher kahaa karate the

mashaale.n leke tumhaare Gam kii
ham andhero.n me.n chalaa karate the

ab kahaa.N aisii tabiyat vaale
choT khaa kar jo duaa karate the

tark-e-ehasaas-e-muhabbat mushkil
haa.Nmagar ahal-e-vafaa karate the

bikharii bikharii zulfo.n vaale
qaafile rok liyaa karate the

aaj gulshan me.n shaguuf-e-saaGar
shikave baad-e-sabaa se karate the

baat karanii mujhe mushkil kabhii aisii to na thii

2008-08-15T02:35:00.000-07:00

baat karanii mujhe mushkil kabhii aisii to na thii
jaisii ab hai terii mahafil kabhii aisii to na thii

le gayaa chhiin ke kaun aaj teraa sabr-o-qarar
beqaraarii tujhe ai dil kabhii aisii to na thii

chashm-e-qaatil merii dushman thii hameshaa lekin
jaise ab ho ga_ii qaatil kabhii aisii to na thii

un kii aa.Nkho.n ne Khudaa jaane kiyaa kyaa jaaduu
ke tabiiyat merii maa_il kabhii aisii to na thii

aks-e-ruKh-e-yaar ne kis se hai tujhe
chamakaayaa taab tujh me.n maah-e-kaamil kabhii aisii to na thii

kyaa sabab tuu jo biga.Dataa hai "Zafar"se har baar
Khuu terii huur-e-shamaa_il kabhii aisii to na thii

Mehdi Hassan http://in.youtube.com/watch?v=sBtYv1gxw_U

Abida Parveen http://in.youtube.com/watch?v=FB-PGFjmmDE

and http://in.youtube.com/watch?v=xIi635nOObY

ashk aa.Nkho.n me.n kab nahii.n aataa

2008-08-15T02:10:00.002-07:00

ashk aa.Nkho.n me.n kab nahii.n aataa
lahuu aataa hai jab nahii.n aataa

hosh jaataa nahii.n rahaa lekin
jab vo aataa hai tab nahii.n aataa

dil se ruKhasat huii koii Khvaahish
giriyaa kuchh be-sabab nahii.n aata

ishq kaa hausalaa hai shart varnaa
baat kaa kis ko dhab nahii.n aataa

jii me.n kyaa-kyaa hai apane ae hamdam
har suKhan taa ba-lab nahii.n aataa

ashk aa.Nkho.n me.n kab nahii.n aataa

2008-08-15T02:10:00.001-07:00

ashk aa.Nkho.n me.n kab nahii.n aataa

lahuu aataa hai jab nahii.n aataa

hosh jaataa nahii.n rahaa lekin

jab vo aataa hai tab nahii.n aataa

dil se ruKhasat huii koii Khvaahish

giriyaa kuchh be-sabab nahii.n aata

ishq kaa hausalaa hai shart varnaa

baat kaa kis ko dhab nahii.n aataa

jii me.n kyaa-kyaa hai apane ae hamdam

har suKhan taa ba-lab nahii.n aataa

apanii tasviir ko aa.Nkho.n se lagataa kyaa hai

2008-08-15T02:10:00.000-07:00

apanii tasviir ko aa.Nkho.n se lagataa kyaa hai

ik nazar merii taraf dekh, teraa jaataa kyaa hai

merii rusavaa_ii me.n tuu bhii hai baraabar kaa shariik

mere qisse mere yaaro.n ko sunaataa kyaa hai

paas rahakar bhii na pahachaan sakaa tuu mujhako

duur se dekh kar ab haath hilaataa kyaa hai

safar-e-shauq me.n kyo.n kaa.Npate hai.n paa.Nv tere

duur se dekh kar ab haath uThaataa kyaa hai

umr bhar apane girebaa.N se ulajhane vaale

tuu mujhe mere saaye se Daraataa kyaa hai

mar gaye pyaas ke maare to uThaa abr-e-karam

bujh ga_ii bazm to ab shama jalaataa kyaa hai

mai.n teraa kuchh bhii nahii.n huu.N, magar itanaa to bataa

dekh kar mujhako tere zehan me.n aataa kyaa hai

apanii rusavaa_ii tere naam ka charchaa dekhuu.N

2008-08-14T07:17:00.000-07:00

apanii rusavaa_ii tere naam ka charchaa dekhuu.N
ek zaraa sher kahuu.N aur mai.n kyaa kyaa dekhuu.N

niind aa jaaye to kyaa mahafile.n barpaa dekhuu.N
aa.Nkh khul jaaye to tanhaa_ii kaa sahara dekhuu.N

shaam bhii ho ga_ii dhundhalaa ga_ii aa.Nkhe.n bhii merii
bhuulanevaale mai.n kab tak teraa rastaa dekhuu.N

sab zide.n us kii mai.n puurii karuu.N har baat sunuu.N
ek bachche kii tarah se use ha.Nstaa dekhuu.N

mujh pe chhaa jaaye vo barasaat kii Khushbuu kii tarah
ang ang apanaa usii rut me.n mahakataa dekhuu.N

tuu merii tarah se yaktaa hai magar mere habib
jii me.n aataa hai ko_ii aur bhii tujh saa dekhuu.N

mai.n ne jis lamhe ko puujaa hai use bas ek baar
Khvaab ban kar terii aa.Nkho.n me.n utarataa dekhuu.N

tuu meraa kuchh nahii.n lagataa hai magar jaan-e-hayaat
jaane kyo.n tere liye dil ko dha.Dakataa dekhuu.N

apanii marzii se kahaa.N apane safar ke ham hai.n

2008-08-14T07:12:00.000-07:00

apanii marzii se kahaa.N apane safar ke ham hai.n

ruKh havaao.n kaa jidhar kaa hai udhar ke ham hai.n

pahale har chiiz thii apanii magar ab lagataa hai

apane hii ghar me.n kisii duusare ghar ke ham hai.n

vaqt ke saath hai miTTii kaa safar sadiyo.n tak

kisako maaluum kahaa.N ke hai.n kidhar ke ham hai.n

chalate rahate hai.n ki chalanaa hai musaafir kaa nasiib

sochate rahate hai.n ki kis raahaguzar ke ham hai.n

ginatiyo.n me.n hii gine jaate hai.n har daur me.n ham

har qalamakaar kii benaam khabar ke ham hai.n

apanii dhun me.n rahataa huu.N

2008-08-14T07:11:00.000-07:00

apanii dhun me.n rahataa huu.N
mai.n bhii tere jaisaa huu.N

o pichhalii rut ke saathii
ab ke baras mai.n tanhaa huu.N

terii galii me.n saaraa din
dukh ke kankar chunataa huu.N

mujh se aa.Nkh milaaye kaun
mai.n teraa aa_iinaa huu.N

meraa diyaa jalaaye kaun
mai.n teraa Khaalii kamaraa huu.N

tuu jiivan kii bharii galii
mai.n jangal kaa rastaa huu.N

apanii lahar hai apanaa rog
dariyaa huu.N aur pyaasaa huu.N

aatii rut mujhe royegii
jaatii rut kaa jho.Nkaa huu.N

apanii aa.Nkho.n ke samu.ndar me.n utar jaane de

2008-08-14T07:09:00.000-07:00

apanii aa.Nkho.n ke samu.ndar me.n utar jaane de

teraa mujarim huu.N mujhe Duub ke mar jaane de

ai naye dost mai.n samajhuu.Ngaa tujhe bhii

apanaa pahale maazii kaa koii zaKhm to bhar jaane de

aag duniyaa kii lagaii huii bhuj jaayegii

koii aa.Nsuu mere daaman pe bikhar jaane de

zaKhm kitane terii chaahat se mile hai.n mujhako

sochataa huu.N ki kahuu.N tujhase magar jaane de

apane saaye se bhii ashko.n ko chhupaa kar ronaa

2008-08-14T07:02:00.000-07:00

apane saaye se bhii ashko.n ko chhupaa kar ronaa

jab bhii ronaa ho charaaGo.n ko bujhaa kar ronaa

haath bhii jaate huye vo to milaakar na gayaa

mai.n ne chaahaa jise siine se lagaa kar ronaa

tere diivaane kaa kyaa haal kiyaa hai Gam ne

muskuraate huye logo.n me.n bhii jaa kar ronaa

log pa.D lete hai.n chehare pe likhii tahariire.n

itanaa dushvaar hai logo.n se chhupaa kar ronaa

apane hoTho.n par sajaanaa chaahataa huu.N

2008-08-14T06:58:00.000-07:00

apane hoTho.n par sajaanaa chaahataa huu.N

aa tujhe mai.n gunagunaanaa chaahataa huu.N

koii aa.Nsuu tere daaman par giraakar

buu.Nd ko motii banaanaa chaahataa huu.N

thak gayaa mai.n karate-karate yaad tujhako

ab tujhe mai.n yaad aanaa chaahataa huu.N

chhaa rahaa hai saarii bastii me.n a.Ndheraa

raushanii ho ghar jalaanaa chaahataa huu.N

aaKharii hichakii tere zaano.n pe aaye

maut bhi mai.n shaayaraanaa chaahataa huu.N

apane haatho.n se yuu.N chehare ko chhupaate kyo.n ho

2008-08-14T06:55:00.000-07:00

apane haatho.n se yuu.N chehare ko chhupaate kyo.n ho
mujh se sharmaate ho to saamane aate kyo.n ho

tum kabhii merii tarah kar bhii lo iqaraar-e-vafaa
pyaar karate ho to phir pyaar chhupaate kyo.n ho

ashk aa.Nkho.n me.n merii dekh ke rote kyo.n ho
dil bhar aataa hai to phir dil ko dukhaate kyo.n ho

in se vaabastaa hai jab meraa muqaddar phir tum
mere shaano.n se ye zulf haTaate kyo.n ho

roz mar mar ke mujhe jiine ko kahate kyo.n ho
milane aate ho to phir lauT ke jaate kyo.n ho

apane haatho.n kii lakiiro.n me.n basaale mujhako

2008-08-14T06:50:00.000-07:00

apane haatho.n kii lakiiro.n me.n basaale mujhako

mai.n huu.N teraa nasiib apanaa banaa le mujhako

mujhase tuu puuchhane aayaa hai vafaa ke maanii

ye terii sadaadilii maar na Daale mujhako

mai.n sama.ndar bhii huu.N motii bhii huu.N Gotaazan bhii

koii bhii naam meraa leke bulaale mujhako

tuune dekhaa nahii.n aaiine se aage kuchh bhii

Khudaparastii me.n kahii.n tuu na ga.Nvaale mujhako

kal kii baat aur hai mai.n ab saa rahuu.N yaa na rahuu.N

jitanaa jii chaahe teraa aaj sataale mujhako

Khud ko mai.n baa.NT na Daaluu.N kahii.n daaman-daaman

kar diyaa tuune agar mere havaale mujhako

mai.n jo kaa.NTaa huu.N to chal mujh se bachaakar daaman

mai.n huu.N gar phuul to juu.De me.n sajaale mujhako

mai.n khule dar ke kisii ghar kaa huu.N saamaa.N

pyaare tuu dabe paa.Nv kabhii aake churaale mujhako

tark-e-ulfat kii qasam bhii ko_ii hotii hai

qasam tuu kabhii yaad to kar bhuulanevaale mujhako

baadaa phir baadaa hai mai.n zahar bhii pii jaauu.N "Qateel"

shart ye hai koii baaho.n mei.n sambhale mujhako

apanaa Gam bhuul gaye terii jafaa bhuul gaye

2008-08-13T20:25:00.000-07:00

apanaa Gam bhuul gaye terii jafaa bhuul gaye

ham to har baat muhabbat ke sivaa bhuul gaye

ham akele hii nahii.n pyaar ke diivaane sanam

aap bhii nazare.n jhukaane kii adaa bhuul gaye

ab to sochaa hai ke daaman hii teraa thaame.nge

haath jab hamane uThaaye hai.n duaa bhuul gaye

shukr samajho yaa ise apanii shikaayat samajho

tum ne vo dard diyaa hai ke davaa bhuul gaye

apane har har lafz kaa Khud aa_iinaa ho jaa_uu.Ngaa

2008-08-13T20:21:00.000-07:00

apane har har lafz kaa Khud aa_iinaa ho jaa_uu.Ngaa

us ko chhoTaa kah ke mai.n kaise ba.Daa ho jaa_uu.Ngaa

tum giraane me.n lage the tum ne sochaa hii nahii.n

mai.n giraa to masalaa ban kar kha.Da ho jaa_uu.Ngaa

mujh ko chalane do akelaa hai abhii meraa safar

raastaa rokaa gayaa to qaafilaa ho jaa_uu.Ngaa

saarii duniyaa kii nazar me.n hai meraa ahad-e-vafaa

ek tere kahane se kyaa mai.n bevafaa ho jaa_uu.Ngaa

a.nga.Daaii par a.nga.Daaii letii hai raat judaaii kii

2008-08-13T20:17:00.000-07:00

a.nga.Daaii par a.nga.Daaii letii hai raat judaaii kii

tum kyaa samajho tum kyaa jaano baat merii tanahaaii kii

kaun siyaahii ghol rahaa thaa vaqt ke bahate dariyaa me.n

mai.n ne aa.Nkh jhukii dekhii hai aaj kisii harajaaii kii

vasl kii raat na jaane kyuu.N israar thaa unako jaane par

vaqt se pahale Duub gae taaro.n ne ba.Dii daanaaii kii

u.Date u.Date aas kaa paa.Nchhii duur ufaq me.n Duub gayaa

rote rote baiTh gaii aavaaz kisii saudaaii kii

a.nga.Daa_ii bhii vo lene na paaye uThaa ke haath

2008-08-13T19:15:00.000-07:00

a.nga.Daa_ii bhii vo lene na paaye uThaa ke haath
dekhaa mujhe to chho.D diye muskuraa ke haath

besaaKhtaa nigaahe.n jo aapas me.n mil ga_ii.n
kyaa muu.Nh pe us ne rakh liye aa.Nkhe.n churaa ke haath

vo zaanuo.n pe siinaa chhupaanaa simaT ke haay
aur phir sambhaalanaa vo dupaTTaa chhu.Daa ke haath

denaa vo us kaa saaGar-e-may yaad hai "Nizam"
muu.Nh pher ko udhar ko idhar ko ba.Dhaa ke haath

aise chup hai.n ke ye manzil bhii ka.Dii ho jaise

2008-08-13T19:08:00.000-07:00

aise chup hai.n ke ye manzil bhii ka.Dii ho jaise
teraa milanaa bhii judaa_ii ki gha.Dii ho jaise

apane hii saaye se har gaam laraz jaataa huu.N
raaste me.n ko_ii diivaar kha.Dii ho

manzile.n duur bhii hai.n manzile.n nazadiik bhii hai.n
apane hii paao.n me.n zanjiir pa.Dii ho jaise

kitane naadaan hai.n tere bhulane vaale ke tujhe
yaad karane ke liye umr pa.Dii ho jaise

aaj dil khol ke roye hai.n to yuu.N Khush hai 'Faraz'
chand lamho.n kii ye raahat bhii ba.Dii ho jaise

aisaa lagataa hai zindagii tum ho

2008-08-13T02:55:00.000-07:00

aisaa lagataa hai zindagii tum ho

ajanabii jaise ajanabii tum ho

ab ko_ii aarazuu nahii.n baakii

justajuu merii aaKhirii tum ho

mai.n zamii.n par ghanaa a.Ndheraa huu.N

aasamaano.n kii chaa.Ndanii tum ho

dosto.n se vafaa kii ummiide.n

kis zamaane ke aadamii tum ho

ai mohabbat tere anjaam pe ronaa aayaa

2008-08-13T02:47:00.000-07:00

ai mohabbat tere anjaam pe ronaa aayaa

jaane kyo.n aaj tere naam pe ronaa aayaa

yuu.N to har shaam ummiido.n me.n guzar jaatii thii

aaj kuchh baat hai jo shaam pe ronaa aayaa

kabhii taqdiir kaa maatam kabhii duniyaaa kaa gilaa

manzil-e-ishq me.n har gaam pe ronaa aayaa

jab huaa zikr zamaane me.n mohabbat kaa 'Shakeel'

mujh ko apane dil-e-naakaam pe ronaa aayaa

ai Khudaa ret ke saharaa ko sama.ndar kar de

2008-08-13T02:41:00.001-07:00

ai Khudaa ret ke saharaa ko sama.ndar kar de

yaa chhalakatii aa.Nkho.n ko bhii patthar kar de

tujhako dekhaa nahii.n mahasuus kiyaa hai mai.n ne

aa kisii din mere ehasaas ko paikar kar de

aur kuchh bhii mujhe darakaar nahii.n hai lekin

merii chaadar mere pairo.n ke baraabar kar de

ai ishq hame.n barbaad na kar

2008-08-13T02:08:00.000-07:00

ai ishq na chhe.D aa aa ke hame.n

ham bhuule huo.n ko yaad na kar

pahale hii bahut naashad hai.n ham

tuu aur hame.n naashaad na kar

qismat kaa sitam hii kam nahii.n

kuchh ye taazaa sitam ijaad na kar

yuu.N zulm na kar bedaad na kar

ai ishq hame.n barbaad na kar

...

jis din se mile hai.n dono.n kaa

sab chain gayaa aaraam gayaa

cheharo.n se bahaar-e-subah ga_ii

aa.Nkho.n se faroG-e-shaam gayaa

haatho.n se Khushii kaa jaam chhuuTaa

ho.nTho.n se ha.Nsii kaa naam gayaa

GamGii.n na banaa naashaad na kar

ai ishq hame.n barbaad na kar

...

raato.n ko uTh uTh rote hai.n

ro ro kar duaaye.n karate hai.n

aa.Nkho.n me.n tasavvur dil me.n Khalish

sar dhunate hai.n aahe.n bharate hai.n

ai ishq ye kaisaa rog lagaa

jiite hai.n na zaalim marate hai.n

ye zulm to ai jallaad na kar

ai ishq hame.n barbaad na kar

...

ye rog lagaa hai jab se hame.n

ranjiidaa huu.N mai.n biimaar hai vo

har vaqt tapish har vaqt Khalish

be-Khvaab huu.N mai.n bedaar ha vo

jiine se idhar bezaar huu.N mai.n

maranbe pe udhar tayyaar hai vo

aur zabt kahe fariyaad na kar

ai ishq hame.n barbaad na kar

...

bedard zaraa insaaf to kar

is umr me.n aur maGmuum hai vo

phuulo.n kii tarah naazuk hai abhii

taaro.n kii tarah masuum hai vo

ye husn sitam ye ranj Gazab

majabuur huu.N mai.n mazaluum hai vo

mazaluum pe yuu.N bedaad na kar

ai ishq hame.n barbaad na kar

...

ai ishq Khudaaraa dekh kahii.n

vo shoKh hasii.n badanaam na ho

vo maah-e-laqaa badanaam na ho

vo zohraa-jabii.n badanaam na ho

naamuus kaa us ko paas rahe

vo pardaa-nashii.n badanaam na ho

us pardaa-nashii.n ko yaad na kar

ai ishq hame.n barbaad na kar

...

ummiid kii jhuuThii jannat ke

rah rah ke na dikhalaa Khvaab hame.n

aa_iindaa ke farzii ishrat ke

vaade se na kar betaab hame.n

kahataa hai zamaanaa jis ko Khushii a

atii hai nazar kaamayaab hame.n

chho.D aisii Khushii ko yaad na kar

ai ishq hame.n barbaad na kar

...

do din hii me.n ahad-e-tifalii ke

maasuum zamaane bhuul gaye

aa.Nkho.n se vo Khushiyaa.N miT sii ga_ii.n

lab ke vo taraane bhuul gaye

un paak bahishtii Khvaabo.n ke

dilchasp fasaane bhuul gaye

un Khvaabo.n se yuu.N aazaad na kar

ai ishq hame.n barbaad na kar

...

aa.Nkho.n ko ye kyaa aazaar huaa

har jazb-e-nihaa.N par ro denaa

aahang-e-tarab pe jhuk jaanaa

aavaaz-e-fuGaa.N par ro denaa

barbat kii sadaa par ro denaa

mutrib ke bayaa.N par ro denaa

ehasaas ko Gam buniyaad na kar

ai ishq hame.n barbaad na kar

...

jii chaahataa hai ik duusare ko

yuu.N aaTh pahar ham kare.n

aa.Nkho.n me.n basaaye.n Khvaabo.n ko

aur dil ko Khayaal aabaad kare.n

Khilvat me.n bhii jo jalvat kaa saamaa.N

vahadat ko du_ii se shaad kare.n

ye aarazuue.n ijaad na kar

ai ishq hame.n barbaad na kar

...

vo raaz hai ye Gam aah jise

paa jaaye ko_ii to Khair nahii.n

aa.Nkho.n se jab aa.Nsuu bahate hai.n

aa jaaye ko_ii to Khair nahii.n

zaalim hai ye duniyaa dil ko yahaa.N

bhaa jaaye ko_ii Khair nahii.n

hai zulm magar fariyaad na kar

ai ishq hame.n barbaad na kar

...

duniyaa kaa tamaashaa dekh liyaa

GamGii.n sii hai betaab sii hai

ummiid yahaa.N ik vaham sii hai

taskiin yahaa.N ik Khvaab sii hai

duniyaa me.n Khushii kaa naam nahii.n

duniyaa me.n Khushii nayaab sii hai

duniyaa me.n Khushii ko yaad na kar

ai ishq hame.n barbaad na kar

Listen to this lovely nazm sung by Nayyara Noor

http://www.youtube.com/watch?v=Lt161_BvLwE

ai husn-e-be-paravaah tujhe

2008-08-13T02:05:00.000-07:00

ai husn-e-be-paravaah tujhe shabnam kahuu.N sholaa kahuu.N
phuulo.n me.n bhii shoKhii to hai kisako magar tujh saa kahuu.N

gesuu u.De mahakii fizaa jaduu kare.n aa.Nkhe terii
soyaa huaa ma.nzar kahuu.N yaa.N jaagataa sapanaa kahuu.N

cha.ndaa kii tuu hai chaa.Ndanii laharo.n kii tuu hai raaginii
jaan-e-tamannaa mai.n tujhe kyaa kyaa kahuu.N kyaa na kahuu.N

agar talaash karuu.N ko_ii mil hii jaayegaa

2008-08-13T01:57:00.000-07:00

agar talaash karuu.N ko_ii mil hii jaayegaa

magar tumhaarii tarah kaun mujhe chaahegaa

tumhe.n zaruur ko_ii chaahato.n se dekhegaa

magar vo aa.Nkhe.n hamaarii kahaa.N se laayegaa

naa jaane kab tere dil par na_ii sii dastak ho

makaan Khaalii huaa hai to ko_ii aayegaa

mai.n apanii raah me.n diivaar ban ke baiThaa huu.N

agar vo aayaa to kis raaste se aayegaa

tumhaare saath ye mausam farishto.n jaisaa hai

tumhaare baad ye mausam bahut sataayegaa

agar ham kahe.n aur vo muskuraa de.n

2008-08-07T19:29:00.003-07:00

agar ham kahe.n aur vo muskuraa de.n

ham unake lie zi.ndagaanii luTaa de.n

har ek mo.D par ham Gamo.n ko sazaa de.n

chalo zindagii ko mohabbat banaa de.n

agar Khud ko bhuule to, kuchh bhii na bhuule

ki chaahat me.n unakii, Khudaa ko bhulaa de.n

kabhii Gam kii aa.Ndhii, ji.nhe.n chhuu na paaye

vafaao.n ke ham, vo nasheman banaa de.n

qayaamat ke diivaane kahate hai.n hamase

chalo unake chahare se pardaa haTaa de.n

sazaa de.n, silaa de.n, banaa de.n, miTaa de.n

magar vo koii faisalaa to sunaa de.n

aap ko bhuul jaaye.n ham

2008-08-07T19:29:00.002-07:00

aap ko bhuul jaaye.n ham itane to bevafaa nahii.n
aap se kyaa gilaa kare.n aap se kuchh gilaa nahii.n

shiishaa-e-dil ko to.Danaa unakaa to ek khel hai
hamase hii bhuull ho ga_ii unakii ko_ii Khataa nahii.n

kaash vo apane Gam mujhe de de.n to kuchh sukuu.N mile
vo kitanaa badanasiib hai Gam hii jise milaa nahii.n

karanaa hai gar vafaa to kyaa kaise vafaa ko chho.D duu.N
kahate hai.n is gunaah kii hotii ko_ii sazaa nahii.n

kabhii kahaa na kisii se tere fasaane ko

2008-08-07T19:29:00.001-07:00

kabhii kahaa na kisii se tere fasaane ko

na jaane kaise Khabar ho ga_ii zamaane ko

chaman me.n barq nahii.n chho.Datii kisii suurat

tarah tarah se banaataa huu.N aashiyaane ko

sunaa hai Gair kii mahafil me.n tum na jaaoge

kaho to aaj sajaa luu.N Gariib-Khaane ko

duaa bahaar kii maa.Ngii to itane phuul khile

kahii.n jagah na milii mere aashiyaane ko

chaman me.n jaanaa to sayyaad dekh kar jaanaa

akelaa chho.D kar aayaa huu.N aashiyaane ko

merii lahad pe pata.ngo.n kaa Khuu.N hotaa hai

huzuur shammaa na laayaa kare.n jalaane ko

dabaa ke chal diye sab qabr me.n duaa na salaam

zaraa sii der me.n kyaa ho gayaa zamaane ko

ab aage is me.n tumhaaraa bhii naam aayegaa

jo hukm ho to yahii.n chho.D duu.N fasaane ko

'Qamar' zaraa bhii nahii.n tujhako Khauf-e-rusavaa_ii

chale ho chaa.Ndanii shab me.n u.nhe.n manaane ko

Shabnam Majeed sings http://in.youtube.com/watch?v=5Emd1hZ5Xjc

aap kii yaad aatii rahii raat bhar

2008-08-07T19:29:00.000-07:00

aap kii yaad aatii rahii raat bhar

chashm-e-nam muskuraatii rahii raat bhar

raat bhar dard kii shammaa jalatii rahii

Gam kii lau tharatharaatii rahii raat bhar

baa.Nsurii kii surilii suhaanii sadaa

yaad ban ban ke aatii rahii raat bhar

yaad ke chaa.Nd dil me.n utarate rahe

chaa.Ndanii jagamaatii rahii raat bhar

koii diivaanaa galiyo.n me.n phirataa rahaa

koii aavaaz aatii rahii raat bhar

aap jin ke qariib hote hai.n

2008-08-06T07:46:00.000-07:00

aap jin ke qariib hote hai.n

vo ba.De Khush-nasiib hote hai.n

jab tabiyat kisii pe aatii hai

maut ke din qariib hote hai.n

mujh se milanaa phir aapakaa milanaa

aap kis ko nasiib hote hai.n

zulm sah kar jo uff nahii.n karate

un ke dil bhii ajiib hote hai.n

aa.Nkh se aa.Nkh milaa baat banaataa kyuu.N hai

2008-08-06T07:40:00.000-07:00

aa.Nkh se aa.Nkh milaa baat banaataa kyuu.N hai

tu agar mujhase Khafaa hai to chhupaataa kyuu.N hai

Gair lagataa hai na apano.n kii tarah milataa hai

tu zamaane kii tarah mujhako sataataa kyuu.N hai

vaqt ke saath haalaat badal jaate hai.n

ye haqiiqat hai magar mujhako sunaataa kyuu.N hai

ek muddat se jahaa.N kaafile guzare hii nahii.n

aisii raaho.n pe charaaGo.n ko jalaataa kyuu.N hai

aa.Nkh jab ba.nd kiyaa karate hai.n

2008-08-06T07:36:00.000-07:00

aa.Nkh jab ba.nd kiyaa karate hai.n

saamane aap huaa karate hai.n

aap jaisaa hii mujhe lagataa hai

Khvaab me.n jis se milaa karate hai.n

tuu agar chho.D ke jaataa hai to kyaa

haadase roz huaa karate hai.n

naam un kaa na ko_ii un kaa pataa

log jo dil me.n rahaa karate hai.n

hamane 'rahi' kaa chalan sikhaa hai

ham akele hii chalaa karate hai.n

aaye kuchh abr kuchh sharaab aaye

2008-08-06T07:22:00.000-07:00

aaye kuchh abr kuchh sharaab aaye

us ke baad aaye jo azaab aaye

baam-e-miinaa se maahataab utare

dast-e-saaqii me.n aaftaab aaye

har rag-e-Khuu.N me.n phir charaaGaa.N ho

saamane phir wo benaqaab aaye

umr ke har waraq pe dil ko

nazar terii meher-o-wafaa ke baab aaye

kar rahaa thaa Gam-e-jahaa.N kaa hisaab

aaj tum yaad behisaab aaye

na gaii tere Gam kii saradaarii dil me.n

yuu.n roz inqalaab aaye

jal uThe bazm-e-Gair ke dar-o-baam

jab bhii ham Khaanamaa.N_Kharaab aaye

is tarah apanii Khamashii guu.Njii

goyaa har simt se jawaab aaye

'Faiz' thii raah sar basar ma.nzil

ham jahaa.N pahu.Nche kaamayaab aaye

is se pahale ke bevafaa ho jaaye.n

2008-08-02T06:09:00.007-07:00

is se pahale ke bevafaa ho jaaye.n

kyo.n na ai dost ham judaa ho jaaye.n

tuu bhii hiire se ban gayaa patthar

ham bhii kal kyaa se kyaa ho jaaye.n

ham bhii majabuuriyo.n kaa uzr kare.n

aur kahii.n aur mubtalaa ho jaaye.n

ishq bhii khel hai nasiibo.n kaa

Khaak ho jaaye.n kimiyaa ho jaaye.n

ab ke gar tuu mile to ham tujh se

aise lipaTe.n terii qabaa ho jaaye.n

bandagii ham ne chho.D dii hai 'Faraz'

kyaa kare.n log jab Khudaa ho jaaye.n

hu_ii hai shaam to aa.Nkho.n me.n bas gayaa phir tuu

2008-08-02T06:09:00.006-07:00

hu_ii hai shaam to aa.Nkho.n me.n bas gayaa phir tuu
kahaa.N gayaa hai mere shahar ke musaafir tuu

bahut udaas hai ik shaKhs tere jaane se
jo ho sake to chalaa aa usii kii Khaatir tuu

merii misaal ki ik naKhl-e-Khushk-e-saharaa huu.N
teraa Khayaal ki shaaKh-e-chaman kaa taa_ir tuu

mai.n jaanataa huu.N ke duniyaa tujhe badal degii
mai.n maanataa huu.N ke aisaa nahii.n bazaahir tuu

ha.Nsii Khushii se bichha.D jaa agar bichha.Danaa hai
ye har maqaam pe kyaa sochataa hai aaKhir tuu

'Faraz' tuune use mushkilo.n me.n Daal diyaa
zamaanaa saahib-e-zar aur sirf shaayar tuu

aise chup hai.n ke ye manzil bhii ka.Dii ho jaise

2008-08-02T06:09:00.005-07:00

aise chup hai.n ke ye manzil bhii ka.Dii ho jaise

teraa milanaa bhii judaa_ii ki gha.Dii ho jaise

apane hii saaye se har gaam laraz jaataa huu.N

raaste me.n ko_ii diivaar kha.Dii ho jaise

manzile.n duur bhii hai.n manzile.n nazadiik bhii hai.n

apane hii paao.n me.n zanjiir pa.Dii ho jaise

kitane naadaan hai.n tere bhulane vaale

ke tujhe yaad karane ke liye umr pa.Dii ho jaise

aaj dil khol ke roye hai.n to yuu.N Khush hai 'Faraz'

chand lamho.n kii ye raahat bhii ba.Dii ho jaise

ab ke ham bichha.De to shaayad kabhii Khvaabo.n me.n mile.n

2008-08-02T06:09:00.004-07:00

ab ke ham bichha.De to shaayad kabhii Khvaabo.n me.n mile.n

jis tarah suukhe hue phuul kitaabo.n me.n mile.n

Dhuu.NDh uja.De hue logo.n me.n vafaa ke motii

ye Khazaane tujhe mumkin hai Kharaabo.n me.n mile.n

tuu Khudaa hai na meraa ishq farishto.n jaisaa

dono.n insaa.N hai.n to kyo.n itane hijaabo.n me.n mile.n

Gam-e-duniyaa bhii Gam-e-yaar me.n shaamil kar lo

nashaa ba.Dataa hai sharabe.n jo sharaabo.n me.n mile.n

aaj ham daar pe khe.nche gaye jin baato.n par

kyaa ajab kal vo zamaane ko nisaabo.n me.n mile.n

ab na vo mai.n huu.N na tu hai na vo maazii hai `Faraaz',

jaise do shaKhs tamannaa ke saraabo.n me.m mile.n

is tarah sataayaa hai pareshaan kiyaa hai

2008-08-02T06:09:00.003-07:00

is tarah sataayaa hai pareshaan kiyaa hai
goyaa kii muhabbat nahii.n ehasaan kiyaa hai

sochaa thaa ki tum duusaro.n jaise nahii.n hoge
tum ne bhii vahii kaam merii jaan kiyaa hai

mushkil thaa bahuut mere liye tark-e-ta'alluq
ye kaam bhii tum ne meraa aasaa.N kiyaa hai

har roz sajaate hai.n terii hijr me.n Gunche
aa.Nkho.n ko terii yaad me.n gul_daa.N kiyaa hai

faasale aise bhii ho.nge ye kabhii sochaa na thaa

2008-08-02T06:09:00.002-07:00

faasale aise bhii ho.nge ye kabhii sochaa na thaa
saamane baiThaa thaa mere aur vo meraa na thaa

vo ki Khushbuu kii tarah phailaa thaa mere chaar suu
mai.n use mahasuus kar sakataa thaa chhuu sakataa na thaa

raat bhar us kii hii aahaT kaan me.n aatii rahii
jhaa.Nk kar dekhaa galii me.n ko_ii bhii aayaa na thaa

aks to maujuud the par aks tanahaa_ii ke the
aa_iinaa to thaa magar us me.n teraa cheharaa na thaa

aaj us ne dard bhii apane alahadaa kar diye
aaj mai.n royaa to mere saath vo royaa na thaa

ye sabhii viiraaniyaa.N us ke judaa hone se thii.n
aa.Nkh dhu.Ndhalaa_ii hu_ii thii shahar dhu.Ndhalaayaa na thaa

yaad karake aur bhii takaliif hotii thii "Adeem"
bhuul jaane ke sivaa ab ko_ii bhii chaaraa na thaa

ik Khalish ko haasil-e-umr-e-ravaa.N rahane diyaa

2008-08-02T06:09:00.001-07:00

ik Khalish ko haasil-e-umr-e-ravaa.N rahane diyaa

jaan kar ham ne unhe.n naameharabaa.N rahane diyaa

kitanii diivaaro.n ke saaye haath phailaate rahe

ishq ne lekin hame.n beKhvaanamaa.N rahane diyaa

apane apane hausale apanii talab kii baat hai

chun liyaa hamne unhe.n saaraa jahaa.N rahane diyaa

ye bhii kyaa jiine me.n jiinaa hai baGair un ke "Adeeb"

shama gul kar dii ga_ii baaqii dhuaa.N rahane diyaa

ho.nTho.n pe kabhii un ke meraa naam hii aaye

2008-08-02T06:09:00.000-07:00

ho.nTho.n pe kabhii un ke meraa naam hii aaye

aaye to sahii bar-sar-e-ilzaam hii aaye

hairaan hai.n lab_bastaa hai.n, dil_giir hai.n Gunche

Khushbuu kii zubaanii teraa paiGaam hii aaye

lamhaat-e-masarrat hai.n tasavvur se gurezaa.N

yaad aae hai.n jab bhii Gam-o-aalaam hii aaye

taaro.n se sajaa le.nge raah-e-shahar-e-tamannaa

maqaduur nahii.n subho chalo shaam hii aaye

yaado.n ke vafaao.n ke aqiido.n ke Gamo.n ke

kaam aaye jo duniyaa me.n to is naam hii aaye

kyaa raah badalane kaa gilaa ham_safaro.n se

jis raah se chale tere dar-o-baam hii aaye

thak haar ke baiThe hai.n sar-e-kuu-e-tamannaa

kaam aaye to phir jazbaa-e-naakaam hii aaye

baaqii na rahe saaKh "Adaa" dasht-e-junuu.N kii

dil me.n agar andeshaa-e-anjaam hii aaye

terii baate.n hii sunaane aaye

2008-07-29T09:42:00.000-07:00

terii baate.n hii sunaane aaye
dost bhii dil hii dukhaane aaye

phuul khilate hai.n to ham sochate hai.n
tere aane ke zamaane aaye

aisii kuchh chup sii lagii hai
jaiseham tujhe haal sunaane aaye

ishq tanhaa hai sar-e-manzil-e-Gam
kaun ye bojh uThaane aaye

ajanabii dost hame.n dekh ke
hamkuchh tujhe yaad dilaane aaye

dil Dha.Dakataa hai safar ke hangaam
kaash phir ko_ii bulaane aaye

ab to rone se bhii dil dukhataa hai
shaayad ab hosh Thikaane aaye

kyaa kahii.n phir ko_ii bastii uja.Dii
log kyuu.N jashn manaane aaye

so raho maut ke pahaluu me.n 'Faraz'
niind kis vaqt na jaane aaye

hai iKhtiyaar me.n tere to mojazaa kar de

2008-07-29T09:28:00.000-07:00

hai iKhtiyaar me.n tere to mojazaa kar de

vo shaKhs meraa nahii.n hai use meraa kar de

ye ret_zaar kahii.n Khatm hii nahii.n hotaa

zaraa sii duur to rastaa haraa bharaa kar de

mai.n us ke jaur ko dekhuu.N vo meraa sabr-o-sukuu.N

mujhe charaaG banaa de use havaa kar de

akelii shaam bahut jii udaas karatii hai

kisii ko bhej ko_ii meraa ham_navaa kar de

tuu bhii kisii kaa pyaar na paaye Khudaa kare

2008-07-29T08:30:00.000-07:00

tuu bhii kisii kaa pyaar na paaye Khudaa kare

tujh ko teraa nasiib rulaaye Khudaa kare

raato.n me.n tujh ko nii.nd na aaye Khudaa kare

tuu dar-ba-dar kii Thokare.n khaaye Khudaa kare

aaye bahaar tere gulistaa.N me.n baar baar

tujh par kabhii nikhaar na aaye Khudaa kare

merii tarah tujhe bhii javaanii me.n Gam mile

teraa na ko_ii saath nibhaaye Khudaa kare

ma.nzil kabhii bhii pyaar kii tujh ko na mil sake

tuu bhii duaa ko haath uThaaye Khudaa kare

tujh par shab-e-visaal kii raate.n haraam ho.n

shamme.n jalaa jalaa ke bujhaaye Khudaa kare

ho jaaye.n bad-duaaye.n merii dosto Galat

ab un pe ko_ii harf na aaye Khudaa kare

kitanii pii kaise kaTii raat mujhe hosh nahii.n

2008-07-29T08:26:00.000-07:00

kitanii pii kaise kaTii raat mujhe hosh nahii.n

raat ke saath ga_ii baat mujhe hosh nahii.n

mujh ko ye bhii nahii.n maaluum ki jaanaa hai kahaa.N

thaam le ko_ii meraa haath mujhe hosh nahii.n

aa.Nsuo.n aur sharaabo.n me.n guzar hai ab tomai.n ne

kab dekhii thii barasaat mujhe hosh nahii.n

jaane kyaa TuuTaa hai paimaanaa ki dil hai meraa

bikhare bikhare hai.n Khayaalaat mujhe hosh nahii.n

Dil ki baat labo per la ker ab tuk hum dukh sehte hein

2008-07-29T08:22:00.000-07:00

Dil ki baat labo per la ker ab tuk hum dukh sehte hein

Hum ne suna tha is bustii mein dil walay bhee rehte hein

Beet gaya sawan ka maheena, mosum ne nazrein bedleen

Lekin in pyaari ankhon se ab tuk aansoo` behte hein

Ik hamein aawarah kehna koi bara ilzaam nahi

Duniya walay dil waloon ko aur bohat kuch kehte hein

Jin ki khatir shehr bhee chora jin ke liye budnaam howay

Aaj wohi hum se be-ganay be-ganay se rehte hein.

Justajuu jis kii thii us ko to na paayaa ham ne

2008-07-29T08:17:00.000-07:00

Justajuu jis kii thii us ko to na paayaa ham ne
is bahaane se magar dekh lii duniyaa ham ne

tujh ko rusavaa na kiyaa Khud bhii pashemaa.N na huye
ishq kii rasm ko is tarah nibhaayaa ham ne

kab milii thii kahaa.N bichha.Dii thii hame.n yaad nahii.n
zindagii tujh ko to bas Khvaab me.n dekhaa ham ne

ai 'Ada' aur sunaaye bhii to kyaa haal apanaa
umr kaa lambaa safar tay kiyaa tanhaa hamne

SHAHRYAR

2008-07-27T09:52:00.004-07:00

zindagii jaisii tamannaa thii nahii.n kuchh kam hai

har gha.Dii hotaa hai ehasaas kahii.n kuchh kam hai

ghar kii taamiir tasavvur hii me.n ho sakatii hai

apane naqshe ke mutaabiq ye zamii.n kuchh kam hai

bichha.De logo.n se mulaaqaat kabhii phir hogii

dil me.n ummiid to kaafii hai yaqii.n kuchh kam hai

ab jidhar dekhiye lagataa hai ki is duniyaa me.n

kahii.n kuchh chiiz ziyaadaa hai kahii.n kuchh kam hai

aaj bhii hai terii duurii hii udaasii kaa sabab

ye alag baat ki pahalii sii nahii.n kuchh kam hai

hu_ii hai shaam to aa.Nkho.n me.n bas gayaa phir tuu

2008-07-27T09:52:00.002-07:00

kaun kahataa hai tujhe mai.n ne bhulaa rakhaa hai

2008-07-27T09:52:00.001-07:00

kaun kahataa hai tujhe mai.n ne bhulaa rakhaa hai
terii yaado.n ko kaleje se lagaa rakhaa hai

lab pe aahe.n bhii nahii.n aa.Nkh me.n aa.Nsuu bhii nahii.n
dil ne har raaz muhabbat kaa chhupaa rakhaa hai

tuune jo dil ke a.ndhere me.n jalaayaa thaa kabhii
vo diyaa aaj bhii siine me.n jalaa rakhaa hai

dekh jaa aake mahakate huye zaKhmo.n kii bahaar
mai.n ne ab tak tere gulashan ko sajaa rakhaa hai

ham se bhaagaa na karo duur Gazaalo.n kii tarah

2008-07-27T09:52:00.000-07:00

ham se bhaagaa na karo duur Gazaalo.n kii tarah

hamane chaahaa hai tumhe.n chaahane vaalo.n kii tarah

Khud-ba-Khud nii.nd-sii aa.Nkho.n me.n ghulii jaatii hai

mahakii mahakii hai shab-e-Gam tere baalo.n kii tarah

aur kyaa is se zyaadaa ko_ii narmii baratuu.N

dil ke zaKhmo.n ko chhuaa hai tere gaalo.n kii tarah

aur to mujh ko milaa kyaa merii mehanat kaa silaa

cha.nd sikke hai.n mere haath me.n chhaalo.n kii tarah

zindagii jis ko teraa pyaar milaa vo jaane

ham to naakaam rahe chaahane vaalo.n kii tarah

mujhe tum nazar se giraa to rahe ho

2008-03-23T07:37:00.000-07:00

mujhe tum nazar se giraa to rahe ho

mujhe tum kabhii bhii bhulaa naa sakoge

na jaane mujhe kyuu.N yaqii.n ho chalaa hai

merii yaad ko tum miTaa naa sakoge

merii yaad hogii jidhar jaaoge tum

kabhii naGmaa ban ke, kabhii ban ke aa.Nsuu

taD.apataa mujhe har taraf paaoge tum

shamaa jo jalaayii merii vafaa ne

bujhaanaa bhii chaaho bujhaa naa sakoge

kaabhii naam baato.n me.n aayaa jo meraa

to bechain ho hoke dil thaam loge

nigaaho.n pe chhaayegaa Gam kaa a.ndheraa

kisii ne jo puuchhaa sabab aa.Nsuo.n kaa

bataanaa bhii chaaho bataa naa sakoge

The following 'band' has been written by Kamraan Mehdi and is usually sung by Mehdi Hasan.

mere dil kii dha.Dakan banii hai jo sholaa

sulagate hai.n armaa.N yuu.N ban-ban ke aa.Nsuu

kabhii to tumhe.n bhii ye ehasaas hogaa

magar ham na ho.nge terii zindagii me.n

bulaanaa bhii chaaho bulaa naa sakoge

shaam se aa.Nkh me.n namii sii hai

2008-03-23T07:27:00.000-07:00

shaam se aa.Nkh me.n namii sii hai

aaj phir aap kii kamii sii hai

dafn kar do hame.n ki saa.Ns mile

nabz kuchh der se thamii sii hai

vaqt rahataa nahii.n kahii.n chhupakar

is kii aadat bhii aadamii sii hai

ko_ii rishtaa nahii.n rahaa phir bhii

ek tasliim laazamii sii hai

ab ke ham bichha.De to shaayad ..

2008-03-19T04:11:00.000-07:00

ab ke ham bichha.De to shaayad kabhii Khvaabo.n me.n mile.n

jis tarah suukhe hue phuul kitaabo.n me.n mile.n

Dhuu.NDh uja.De hue logo.n me.n vafaa ke motii

ye Khazaane tujhe mumkin hai Kharaabo.n me.n mile.n

tuu Khudaa hai na meraa ishq farishto.n jaisaa

dono.n insaa.N hai.n to kyo.n itane hijaabo.n me.n mile.n

Gam-e-duniyaa bhii Gam-e-yaar me.n shaamil kar lo

nashaa ba.Dataa hai sharabe.n jo sharaabo.n me.n mile.n

aaj ham daar pe khe.nche gaye jin baato.n par

kyaa ajab kal vo zamaane ko nisaabo.n me.n mile.n

ab na vo mai.n huu.N na tu hai na vo maazii hai `Faraaz',

jaise do shaKhs tamannaa ke saraabo.n me.m mile.n

tum aaj ha.Nsate ho ha.Ns lo mujh par

2008-03-18T02:29:00.000-07:00

tum aaj ha.Nsate ho ha.Ns lo mujh par ye aazamaaish naa baar baar hogii

mai.n jaana taa huu.N mujhe Khabar hai ki kal fazaa Khushagavaar hogii

rahe muhabbat me.n zindagii bhar rahegii ye kashamakash baraabar

naa tumako qurabat me.n jiit hogii naa mujhako furaqat me.n haar hogii

hazaar ulfat sataaye lekin mere iraado.n se hai ye mumakin

agar sharaafat ko tumane chhe.Daa to zindagii tum pe vaar hogii

yuu.N na mil mujh se Khafaa ho jaise

2008-03-18T02:11:00.000-07:00

yuu.N na mil mujh se Khafaa ho jaise
saath chal mauj-e-sabaa ho jaise

log yuu.N dekh kar ha.Ns dete hai.n
tuu mujhe bhuul gayaa ho jaise

ishq ko shirk kii had tak na ba.Daa
yuu.N na mil hamase Khudaa ho jaise

maut bhii aa_ii to is naaz ke saath
mujhape ehasaan kiyaa ho jaise

aise a.njaan bane baiThe ho
tum ko kuchh bhii na pataa ho jaise

hichakiyaa.N raat ko aatii hii rahii.n
tuu ne phir yaad kiyaa ho jaise

zindagii biit rahii hai "daanish"
ek bejurm sazaa ho jaise

aadatan tum ne kar diye vaade

2008-03-17T02:13:00.001-07:00

aadatan tum ne kar diye vaade

aadatan ham ne aitabaar kiyaa

terii raaho.n me.n baarahaa ruk kar

ham ne apanaa hii intazaar kiiyaa

ab naa maa.Nge.nge zindagii yaa rab

ye gunaah ham ne ek baar kiyaa

din guzar gayaa aitabaar me.n

2008-03-17T02:13:00.000-07:00

din guzar gayaa aitabaar me.n

raat kaT ga_ii intazaar me.n

vo mazaa kahaa.N vasl-e-yaar me.n

lutf jo milaa intazaar me.n

un kii ik nazar kaam kar ga_ii

hosh ab kahaa.N hoshiyaar me.n

mere kaase me.n kaayenaat hai

mai.n huu.N aap ke iKhtiyaar me.n

aa.Nkh to uThii phuul kii taraf

dil ulajh gayaa husn-e-Khaar me.n

tum se kyaa kahe.n kitane Gam sahe

ham ne be-vafaa tere pyaar me.n

fikr-e-aashiyaa.N har Khizaam kii

aashiyaa.N jalaa har bahaar me.n

kis tarah ye Gam bhuul jaaye

ham vo judaa huaa is bahaar me.n

chupake chupake raat din aa.Nsuu bahanaa yaad hai

2008-03-15T03:22:00.000-07:00

chupake chupake raat din aa.Nsuu bahanaa yaad hai
ham ko ab tak aashiqii kaa vo zamaanaa yaad hai

baahazaaraa.N iztiraab-o-sad-hazaaraa.N ishtiyaaq
tujhase vo pahale pahal dil kaa lagaanaa yaad hai

tujhase milate hii vo bebaak ho jaanaa meraa
aur teraa daato.n me.n vo u.Ngalii dabaanaa yaad hai

khii.nch lenaa vo meraa parde kaa konaa daffaatan
aur dupaTTe se teraa vo muu.Nh chhupaanaa yaad hai

jaan kar sotaa tujhe vo qasa-e-paabosii meraa
aur teraa Thukaraa ke sar vo muskuraanaa yaad hai

tujh ko jab ta.nhaa kabhii paanaa to az_raahe-lihaaz
hal-e-dil baato.n hii baato.n me.n jataanaa yaad hai

jab sivaa mere tumhaaraa koii diivaanaa na thaa
sach kaho kyaa tum ko bhii vo kaarKhaanaa yaad hai

Gair kii nazaro.n se bachakar sab kii marzii ke Khilaaf
vo teraa chorii chhipe raato.n ko aanaa yaad hai

aa gaya gar vasl kii shab bhii kahii.n zikr-e-firaaq
vo teraa ro ro ke mujhako bhii rulaanaa yaad hai

do-pahar kii dhuup me.n mere bulaane ke liye
vo teraa kothe pe na.nge paao.n aanaa yaad hai

dekhanaa mujhako jo bargashtaa to sau sau naaz se
jab manaa lenaa to phir Khud ruuTh jaanaa yaad hai

chori chori ham se tum aa kar mile the jis jagah
muddate.n guzarii.n par ab tak wo thikaanaa yaad hai

beruKhii ke saath sunaanaa dard-e-dil kii dastaa.N
aur teraa hatho.n me.n vo ka.ngan ghumaanaa yaad hai

vaqt-e-ruKhsat alvidaa kaa lafz kahane ke liye
vo tere sukhe labo.n kaa thar-tharaanaa yaad hai

baavajuud-e-iddaa-e-ittaqaa 'Hasrat' mujhe
aaj tak ahad-e-havas kaa ye fasaanaa yaad hai

ranjish hii sahii dil hii dukhaane ke liye aa

2008-03-15T02:36:00.000-07:00

ranjish hii sahii dil hii dukhaane ke liye aa
aa phir se mujhe chho.D ke jaane ke liye aa

pahale se maraasim na sahii phir bhii kabhii to
rasm-o-rahe duniyaa hii niibhaane ke liye aa

kis kis ko bataaye.nge judaa_ii kaa sabab ham
tuu mujh se Khafaa hai to zamaane ke liye aa

kuchh to mere pindaar-e-muhabbat ka bharam rakh
tuu bhii to kabhii mujh ko manaane ke liye aa

ek umr se huu.N lazzat-e-giriyaa se bhii maharuum
ai raahat-e-jaa.N mujh ko rulaane ke liye aa

ab tak dil-e-Khush_faham ko tujh se hai.n ummiide.n
ye aaKhirii shamme.n bhii bujhaane ke liye aa

The following ashaar are by Talib Baghpati but Mehdi Hassan always sings them as part of this Gazal.
maanaa ki muhabbat kaa chhipaanaa hai muhabbat
chupake se kisii roz jataane ke liye aa

jaise tujhe aate hai.n na aane ke bahaane
aise hii kisii roz na jaane ke liye aa

royaa kare.nge aap bhii paharo.n isii tarah

2008-03-15T02:31:00.000-07:00

royaa kare.nge aap bhii paharo.n isii tarah
aTakaa kahii.n jo aap kaa dil bhii merii tarah

naa taab hijr me.n hai naa aaraam vasl me.n
kamabaKht dil ko chain nahii.n hai kisii tarah

gar chup rahe.n to Gam-e-hijraa.N se chhuuT jaaye.N
kahate to hai.n bhale kii vo lekin burii tarah

na jaaye vaa.N bane hai na bin jaaye chain hai
kyaa kiijiye hame.n to hai mushkil sabhii tarah

lagatii hai.n gaaliyaa.N bhii terii mujhe kyaa bhalii
qurabaan tere, phir mujhe kah le isii tarah

huu.N jaa.N_balab butaan-e-sitamagar ke haath se
kyaa sab jahaa.N me.n jiite hai.n "Momin" isii tarah